dekh suqrāt ne bas zahr piyā thā lekin

zindagī maiñ to tujhe ghol ke pī jā.ūñgī

dekh suqraat ne bas zahr piya tha lekin

zindagi main to tujhe ghol ke pi jaungi

kuchh is liye bhī mujhe kāmyābī miltī hai

maiñ apne baabā ke naqsh-e-qadam pe chaltī huuñ

kuchh is liye bhi mujhe kaamyabi milti hai

main apne baba ke naqsh-e-qadam pe chalti hun

kūza-gar maiñ tirī mohabbat meñ

apnī sūrat bigāḌ letī huuñ

kuza-gar main teri mohabbat mein

apni surat bigaD leti hun

tumhārī shab hai mātam-kunāñ abhī mujh meñ

tumhārā dard abhī tak siyah libās meñ hai

tumhaari shab hai matam-kunan abhi mujh mein

tumhaara dard abhi tak siyah libas mein hai

vaqt jab aa.ina dikhātā hai

aadmī ḳhud ko bhuul jaatā hai

waqt jab aaina dikhata hai

aadmi KHud ko bhul jata hai