hai saḳht mushkil meñ jaan saaqī pilā.e āḳhir kidhar se pahle

sabhī kī āñkheñ ye kah rahī haiñ idhar se pahle idhar se pahle

hai saKHt mushkil mein jaan saqi pilae aaKHir kidhar se pahle

sabhi ki aankhen ye kah rahi hain idhar se pahle idhar se pahle

ahl-e-hunar ke dil meñ dhaḌakte haiñ sab ke dil

saare jahāñ kā dard hamāre jigar meñ hai

ahl-e-hunar ke dil mein dhaDakte hain sab ke dil

sare jahan ka dard hamare jigar mein hai

hamāre un ke ta.alluq kā ab ye aalam hai

ki dostī kā hai kyā zikr dushmanī bhī nahīñ

hamare un ke talluq ka ab ye aalam hai

ki dosti ka hai kya zikr dushmani bhi nahin

āñkhoñ kā to kaam hī hai ronā

ye girya-e-be-sabab hai pyāre

aankhon ka to kaam hi hai rona

ye girya-e-be-sabab hai pyare

ġham-e-daurāñ meñ kahāñ baat ġham-e-jānāñ kī

nazm hai apnī jagah ḳhuub magar haa.e ġhazal

gham-e-dauran mein kahan baat gham-e-jaanan ki

nazm hai apni jagah KHub magar hae ghazal

naqāb un ne ruḳh se uThā.ī to lekin

hijābāt kuchh darmiyāñ aur bhī haiñ

naqab un ne ruKH se uThai to lekin

hijabaat kuchh darmiyan aur bhi hain

fareb-e-karam ik to un kā hai is par

sitam merī ḳhush-fahmiyāñ aur bhī haiñ

fareb-e-karam ek to un ka hai is par

sitam meri KHush-fahmiyan aur bhi hain