dil meñ bharī hai ḳhaak meñ milne kī aarzū

ḳhākistarī huā hai hamārī qabā kā rañg

dil mein bhari hai KHak mein milne ki aarzu

KHakistari hua hai hamari qaba ka rang

jā sake na masjid tak jam.a the bahut zāhid

mai-kade meñ aa baiThe jab na rāstā paayā

ja sake na masjid tak jama the bahut zahid

mai-kade mein aa baiThe jab na rasta paya

mai-kada hai shaiḳh sāhab ye koī masjid nahīñ

aap shāyad aa.e haiñ rindoñ ke bahkā.e hue

mai-kada hai shaiKH sahab ye koi masjid nahin

aap shayad aae hain rindon ke bahkae hue

dil liyā hai to ḳhudā ke liye kah do sāhab

muskurāte ho tumhīñ par mirā shak jaatā hai

dil liya hai to KHuda ke liye kah do sahab

muskuraate ho tumhin par mera shak jata hai

jab ki vahdat hai bā.is-e-kasrat

ek hai sab kā rāstā vaa.iz

jab ki wahdat hai bais-e-kasrat

ek hai sab ka rasta waiz