تری یاد آئی تو کہتی ہیں آنکھیں

اب آنکھوں سے آنسو بہانا پڑے گا

چھت پہ آئی ہو آج برسوں بعد

دیکھ کر چاند ڈر نہ جائے کہیں

اپنے بستر پہ دم نہ توڑ دیں ہم

تیری باتوں کو یاد کر کر کے

تیرے جانے کے بعد دیکھ ذرا

کتنا برباد ہو گیا ہوں میں

اپنی اس پاک نگاہوں سے ہمیں دیکھو تو

ہم کہیں اور نہیں دل میں ترے رہتے ہیں

کوئی بھی روبرو نہیں رہا اب

میرا مطلب ہے تو نہیں رہا اب

یہ زمانہ ہے جان لو صاحب

ہر قدم پر تمہیں دغا دے گا

ہار جاتا ہوں ان کی باتوں سے

جن کی باتوں سے جیت جاتا تھا

روز تکتے ہیں ایک دوجے کو

ہاں مگر بات ہم نہیں کرتے

اتنی جلدی نہیں بچھڑنا تھا

جتنی جلدی بچھڑ گئی ہو تم

گھر سے میں نکلا وضو کر کے عبادت کے لئے

اس کی کھڑکی کھل گئی اور پھر اشارہ ہو گیا

زمانہ جتنا بہکائے تمہارے ساتھ رہنا ہے

تمہیں اب کچھ بھی ہو جائے تمہارے ساتھ رہنا ہے

جب سے تمہارے دید کی چاہت نکل گئی

دل ہے کہیں دماغ کہیں اور نظر کہیں

تیرا چہرہ تو دیکھ رکھا ہے

حد ہے تیری جبیں نہیں دیکھی

کیوں مرا انتظار کرتے ہو

کس لئے مجھ سے پیار کرتے ہو

ہے محبت اسی لئے تو ابھی

تجھ سے ڈھارس لگائے بیٹھے ہیں

اس نے کیسا یہ کام کر ڈالا

میرا جینا حرام کر ڈالا

تازیانہ ہے میرا شانہ ہے

زخم کھانا ہے مسکرانا ہے

کب کہاں کون پلٹ جائے تمہیں کیا ہے خبر

اس سے بہتر ہے کہ تم اپنا ہی رستہ دیکھو

جب ترا ذکر ہونے لگتا ہے

دل مرا دل میں رونے لگتا ہے