tirī yaad aa.ī to kahtī haiñ āñkheñ

ab āñkhoñ se aañsū bahānā paḌegā

teri yaad aai to kahti hain aankhen

ab aankhon se aansu bahana paDega

chhat pe aa.ī ho aaj barsoñ ba.ad

dekh kar chāñd Dar na jaa.e kahīñ

chhat pe aai ho aaj barson baad

dekh kar chand Dar na jae kahin

apne bistar pe dam na toḌ deñ ham

terī bātoñ ko yaad kar kar ke

apne bistar pe dam na toD den hum

teri baaton ko yaad kar kar ke

tere jaane ke baad dekh zarā

kitnā barbād ho gayā huuñ maiñ

tere jaane ke baad dekh zara

kitna barbaad ho gaya hun main

itnī jaldī nahīñ bichhaḌnā thā

jitnī jaldī bichhaḌ ga.ī ho tum

itni jaldi nahin bichhaDna tha

jitni jaldi bichhaD gai ho tum

koī bhī rū-barū nahīñ rahā ab

merā matlab hai tū nahīñ rahā ab

koi bhi ru-baru nahin raha ab

mera matlab hai tu nahin raha ab

terā chehra to dekh rakkhā hai

had hai terī jabīñ nahīñ dekhī

tera chehra to dekh rakkha hai

had hai teri jabin nahin dekhi

apnī is paak nigāhoñ se hameñ dekho to

ham kahīñ aur nahīñ dil meñ tire rahte haiñ

apni is pak nigahon se hamein dekho to

hum kahin aur nahin dil mein tere rahte hain

roz takte haiñ ek duuje ko

haañ magar baat ham nahīñ karte

roz takte hain ek duje ko

han magar baat hum nahin karte

zamāna jitnā bahkā.e tumhāre saath rahnā hai

tumheñ ab kuchh bhī ho jaa.e tumhāre saath rahnā hai

zamana jitna bahkae tumhaare sath rahna hai

tumhein ab kuchh bhi ho jae tumhaare sath rahna hai

ghar se maiñ niklā vuzū kar ke ibādat ke liye

us kī khiḌkī khul ga.ī aur phir ishāra ho gayā

ghar se main nikla wuzu kar ke ibaadat ke liye

us ki khiDki khul gai aur phir ishaara ho gaya

ye zamāna hai jaan lo sāhib

har qadam par tumheñ daġhā degā

ye zamana hai jaan lo sahib

har qadam par tumhein dagha dega

haar jaatā huuñ un kī bātoñ se

jin kī bātoñ se jiit jaatā thā

haar jata hun un ki baaton se

jin ki baaton se jit jata tha

tāziyāna hai merā shāna hai

zaḳhm khānā hai muskurānā hai

taziyana hai mera shana hai

zaKHm khana hai muskurana hai

jab se tumhāre diid kī chāhat nikal ga.ī

dil hai kahīñ dimāġh kahīñ aur nazar kahīñ

jab se tumhaare did ki chahat nikal gai

dil hai kahin dimagh kahin aur nazar kahin

us ne kaisā ye kaam kar Daalā

merā jiinā harām kar Daalā

us ne kaisa ye kaam kar Dala

mera jina haram kar Dala

jab tirā zikr hone lagtā hai

dil mirā dil meñ rone lagtā hai

jab tera zikr hone lagta hai

dil mera dil mein rone lagta hai

kab kahāñ kaun palaT jaa.e tumheñ kyā hai ḳhabar

is se behtar hai ki tum apnā hī rasta dekho

kab kahan kaun palaT jae tumhein kya hai KHabar

is se behtar hai ki tum apna hi rasta dekho

hai mohabbat isī liye to abhī

tujh se Dhāras lagā.e baiThe haiñ

hai mohabbat isi liye to abhi

tujh se Dhaaras lagae baiThe hain

kyoñ mirā intizār karte ho

kis liye mujh se pyaar karte ho

kyon mera intizar karte ho

kis liye mujh se pyar karte ho