aaj kā ḳhat hī use bhejā hai korā lekin

aaj kā ḳhat hī adhūrā nahīñ likhkhā maiñ ne

aaj ka KHat hi use bheja hai kora lekin

aaj ka KHat hi adhura nahin likhkha main ne

mujh se ye pyaas kā sahrā nahīñ dekhā jaatā

roz ab ḳhvāb meñ dariyā nahīñ dekhā jaatā

mujh se ye pyas ka sahra nahin dekha jata

roz ab KHwab mein dariya nahin dekha jata

umr hī terī guzar jā.egī un ke hal meñ

terā bachcha jo savālāt liye baiThā hai

umr hi teri guzar jaegi un ke hal mein

tera bachcha jo sawalat liye baiTha hai

ye buzurgoñ kī ravā-dārī ke pazh-murda gulāb

ābiyārī chāhte haiñ in meñ chiñgārī na rakh

ye buzurgon ki rawa-dari ke pazh-murda gulab

aabiyari chahte hain in mein chingari na rakh

ye jafāoñ kī sazā hai ki tamāshā.ī hai tū

ye vafāoñ kī sazā hai ki pa.e-dār huuñ maiñ

ye jafaon ki saza hai ki tamashai hai tu

ye wafaon ki saza hai ki pae-dar hun main