ik janam ke pyāse bhī sair hoñ to ham jāneñ

yuuñ to rahmat-e-yazdāñ chār-sū barastī hai

ek janam ke pyase bhi sair hon to hum jaanen

yun to rahmat-e-yazdan chaar-su barasti hai

udaas rātoñ kī tīrgī meñ na koī taarā na koī jugnū

kisī kā naqsh-e-qadam hī chamke to nuur kā e'tibār aa.e

udas raaton ki tirgi mein na koi tara na koi jugnu

kisi ka naqsh-e-qadam hi chamke to nur ka e'tibar aae

vaqt kī laash pe rone ko jigar hai kis kā

kis janāze ko liye ahl-e-nazar aate haiñ

waqt ki lash pe rone ko jigar hai kis ka

kis janaze ko liye ahl-e-nazar aate hain

maiñ ne apnī palkoñ par ġham-kade sajā.e haiñ

aarzū ke mātam meñ sogvār hastī hai

main ne apni palkon par gham-kade sajae hain

aarzu ke matam mein sogwar hasti hai

unheñ kyā fikr ki pūchheñ dil-e-bīmār kā haal

be-niyāzāna vo andāz-e-suḳhan hai ki jo thā

unhen kya fikr ki puchhen dil-e-bimar ka haal

be-niyazana wo andaz-e-suKHan hai ki jo tha