baḌoñ ne us ko chhīn liyā hai bachchoñ se

ḳhabar nahīñ ab kyā ho haal khilaune kā

baDon ne us ko chhin liya hai bachchon se

KHabar nahin ab kya ho haal khilaune ka

dil meñ tire ḳhulūs samoyā na jā sakā

patthar meñ is gulāb ko boyā na jā sakā

dil mein tere KHulus samoya na ja saka

patthar mein is gulab ko boya na ja saka

diye bujhātī rahī dil bujhā sake to bujhā.e

havā ke sāmne ye imtihān rakhnā hai

diye bujhati rahi dil bujha sake to bujhae

hawa ke samne ye imtihan rakhna hai

ga.e dinoñ meñ ronā bhī to kitnā sachchā thā

dil halkā ho jaatā thā jab ashk bahāne se

gae dinon mein rona bhi to kitna sachcha tha

dil halka ho jata tha jab ashk bahane se

kal yahī bachche samundar ko muqābil pā.eñge

aaj tairāte haiñ jo kāġhaz kī nannhī kashtiyāñ

kal yahi bachche samundar ko muqabil paenge

aaj tairaate hain jo kaghaz ki nannhi kashtiyan