abhī vo ḳhud ko hī dekhe jaatā hai aa.ine meñ

abhī kisī se use mohabbat nahīñ huī hai

abhi wo KHud ko hi dekhe jata hai aaine mein

abhi kisi se use mohabbat nahin hui hai

'hasn-jamīl' tirā ghar agar zamīn pe hai

to phir ye kis liye gum āsmān meñ tū hai

'hasn-jamil' tera ghar agar zamin pe hai

to phir ye kis liye gum aasman mein tu hai

kitnī be-rañg thī duniyā mire ḳhvāboñ kī 'jamīl'

us ko dekhā hai to āñkhoñ meñ ujālā huā hai

kitni be-rang thi duniya mere KHwabon ki 'jamil'

us ko dekha hai to aankhon mein ujala hua hai

ma.alūm huā kaise ḳhizāñ aatī hai gul par

sīkhā hai bikharnā tire inkār se maiñ ne

malum hua kaise KHizan aati hai gul par

sikha hai bikharna tere inkar se main ne

ye raushnī yūñhī āġhosh meñ nahīñ aatī

charāġh ban ke muñDeroñ pe jalnā paḌtā hai

ye raushni yunhi aaghosh mein nahin aati

charagh ban ke munDeron pe jalna paDta hai