haal bīmār kā pūchho to shifā miltī hai

ya.anī ik kalma-e-pursish bhī davā hotā hai

haal bimar ka puchho to shifa milti hai

yani ek kalma-e-pursish bhi dawa hota hai

maiñ tirā jalva tū merā dil hai mere ham-nashīñ

maiñ tirī mahfil meñ huuñ aur tū mirī mahfil meñ hai

main tera jalwa tu mera dil hai mere ham-nashin

main teri mahfil mein hun aur tu meri mahfil mein hai

maiñ ne anjām se pahle na palaT kar dekhā

duur tak saath mire manzil-e-āġhāz ga.ī

main ne anjam se pahle na palaT kar dekha

dur tak sath mere manzil-e-aghaz gai

mirā ḳhat paḌh liyā us ne magar ye to batā qāsid

nazar aa.ī jabīñ par buuñd bhī koī pasīne kī

mera KHat paDh liya us ne magar ye to bata qasid

nazar aai jabin par bund bhi koi pasine ki

nazroñ meñ husn dil meñ tumhārā ḳhayāl hai

itne qarīb ho ki tasavvur muhāl hai

nazron mein husn dil mein tumhaara KHayal hai

itne qarib ho ki tasawwur muhaal hai