کسی سبب سے اگر بولتا نہیں ہوں میں

تو یوں نہیں کہ تجھے سوچتا نہیں ہوں میں

ہم نے اس چہرے کو باندھا نہیں مہتاب مثال

ہم نے مہتاب کو اس رخ کے مماثل باندھا

محبت اور عبادت میں فرق تو ہے ناں

سو چھین لی ہے تری دوستی محبت نے

مرے وجود کے اندر مجھے تلاش نہ کر

کہ اس مکان میں اکثر رہا نہیں ہوں میں

خدا! صلہ دے دعا کا، محبتوں کے خدا

خدا! کسی نے کسی کے لیے دعا کی تھی

گھیر لیتی ہے کوئی زلف، کوئی بوئے بدن

جان کر کوئی گرفتار نہیں ہوتا یار

میں تم کو خود سے جدا کر کے کس طرح دیکھوں

کہ میں بھی ''تم'' ہوں، کوئی دوسرا نہیں ہوں میں

کئی دنوں سے مرے ساتھ ساتھ چلتی ہے

کوئی اداس سی ٹھنڈی سی کوئی پرچھائیں

تو مجھ سے میرے زمانوں کا پوچھتی ہے تو سن!

ترا جنوں، ترا سودا، تری طلب، تری یاد

آنکھ جھپکی تھی بس اک لمحے کو اور اس کے بعد

میں نے ڈھونڈا ہے تجھے زندگی صحرا صحرا

اک خلا، ایک لا انتہا اور میں

کتنے تنہا ہیں میرا خدا اور میں

سواد ہجر میں رکھا ہوا دیا ہوں میں

تجھے خبر نہیں کس آگ میں جلا ہوں میں

ابھی چھٹی نہیں جنت کی دھول پاؤں سے

ہنوز فرش زمیں پر نیا نیا ہوں میں

یہی چراغ ہے سب کچھ کہ دل کہیں جس کو

اگر یہ بجھ گیا تو آدمی بھی پرچھائیں