us ne hāthoñ kī lakīroñ se baġhāvat kī thī

ab jahāñ hogā mirī tarah vo tanhā hogā

us ne hathon ki lakiron se baghawat ki thi

ab jahan hoga meri tarah wo tanha hoga

jab shahr meñ dushman mirā koī bhī nahīñ thā

phir kaun ye ḳhanjar kī zabāñ bol rahā hai

jab shahr mein dushman mera koi bhi nahin tha

phir kaun ye KHanjar ki zaban bol raha hai

majbūr kā shikva kyā majbūr kī aaheñ kyā

ye aap kī duniyā hai bas aap kī chaltī hai

majbur ka shikwa kya majbur ki aahen kya

ye aap ki duniya hai bas aap ki chalti hai

yuuñ to qadam qadam pe ḳhudā saiñkaḌoñ mile

banda na mil sakā koī bandoñ ke shahr meñ

yun to qadam qadam pe KHuda sainkaDon mile

banda na mil saka koi bandon ke shahr mein

zabt-e-ġham kā mire andāza bhalā kyā hotā

maiñ agar dasht na hotā bhī to dariyā hotā

zabt-e-gham ka mere andaza bhala kya hota

main agar dasht na hota bhi to dariya hota