mujhe pata hai mohabbat meñ kyā guzartī hai

so tujh se ishq nahīñ tujh se dostī karūñgā

mujhe pata hai mohabbat mein kya guzarti hai

so tujh se ishq nahin tujh se dosti karunga

us ne is tarah se badla hai ravayya apnā

pūchhnā paḌtā hai har vaqt tumhīñ ho nā dost

us ne is tarah se badla hai rawayya apna

puchhna paDta hai har waqt tumhin ho na dost

añdhere is liye rahte haiñ saath saath mire

ye jānte haiñ maiñ ik roz raushnī karūñgā

andhere is liye rahte hain sath sath mere

ye jaante hain main ek roz raushni karunga

log jaise bhī hoñ pairoñ ke tale rakhte haiñ

itnā āsāñ nahīñ hotā hai zamīn honā dost

log jaise bhi hon pairon ke tale rakhte hain

itna aasan nahin hota hai zamin hona dost

ab us se kahnā ki agle hisse meñ aane vaalā hai moḌ aisā

jahāñ kisī kā maiñ hal banūñgā koī mirā mas.ala banegā

ab us se kahna ki agle hisse mein aane wala hai moD aisa

jahan kisi ka main hal banunga koi mera masala banega