guhar samjhā thā lekin sañg niklā

kisī kā zarf kitnā tañg niklā

guhar samjha tha lekin sang nikla

kisi ka zarf kitna tang nikla

dekhā hai mohabbat ko ibādat kī nazar se

nafrat ke avāmil hameñ ma.ayūb rahe haiñ

dekha hai mohabbat ko ibaadat ki nazar se

nafrat ke awamil hamein mayub rahe hain

amn 'kaifī' ho nahīñ saktā kabhī

jab talak zulm-o-sitam maujūd hai

amn 'kaifi' ho nahin sakta kabhi

jab talak zulm-o-sitam maujud hai

ḳhizāñ kā daur bhī aatā hai ek din 'kaifī'

sadā-bahār kahāñ tak daraḳht rahte haiñ

KHizan ka daur bhi aata hai ek din 'kaifi'

sada-bahaar kahan tak daraKHt rahte hain

phūloñ kā tabassum bhī vo pahlā sā nahīñ hai

gulshan meñ bhī chaltī hai havā aur tarah kī

phulon ka tabassum bhi wo pahla sa nahin hai

gulshan mein bhi chalti hai hawa aur tarah ki