ab itnī zor se har ghar pe dastakeñ denā

agar javāb na aa.e to dar nikal jaa.e

ab itni zor se har ghar pe dastaken dena

agar jawab na aae to dar nikal jae

ḳhudā jaane girebāñ kis ke haiñ aur haath kis ke haiñ

añdhere meñ kisī kī shakl pahchānī nahīñ jaatī

KHuda jaane gireban kis ke hain aur hath kis ke hain

andhere mein kisi ki shakl pahchani nahin jati

ḳhvāhishoñ ke peḌ se girte hue patte na chun

zindagī ke sehn meñ ummīd kā paudā lagā

KHwahishon ke peD se girte hue patte na chun

zindagi ke sehn mein ummid ka pauda laga

mirī ḳhvāhish hai duniyā ko bhī apne saath le aa.uuñ

bulandī kī taraf lekin kabhī pastī nahīñ jaatī

meri KHwahish hai duniya ko bhi apne sath le aaun

bulandi ki taraf lekin kabhi pasti nahin jati

raat bhar koī na darvāza khulā

dastakeñ detī rahī pāgal havā

raat bhar koi na darwaza khula

dastaken deti rahi pagal hawa