maiñ to qābil na thā un ke dīdār ke

un kī chaukhaT pe merī ḳhatā le ga.ī

main to qabil na tha un ke didar ke

un ki chaukhaT pe meri KHata le gai

zindagī kuchh to bharam rakh le vafādārī kā

tujh ko mar mar ke shab-o-roz sañvārā hai bahut

zindagi kuchh to bharam rakh le wafadari ka

tujh ko mar mar ke shab-o-roz sanwara hai bahut

hameñ jo fikr kī dāvat na de sake 'kausar'

vo sher sher to hai rūh-e-shā.erī to nahīñ

hamein jo fikr ki dawat na de sake 'kausar'

wo sher sher to hai ruh-e-shaeri to nahin

jo toḌ doge mujhe tum bhī TuuT jāoge

ki irtibāt-e-salāsil kī ik kaḌī huuñ maiñ

jo toD doge mujhe tum bhi TuT jaoge

ki irtibaat-e-salasil ki ek kaDi hun main

kyā dil kī pyaas thī ki bujhā.ī na jā sakī

bādal nichoḌ ke na samundar tarāsh ke

kya dil ki pyas thi ki bujhai na ja saki

baadal nichoD ke na samundar tarash ke