hameñ jo fikr kī dāvat na de sake 'kausar'

vo sher sher to hai rūh-e-shā.erī to nahīñ

hamein jo fikr ki dawat na de sake 'kausar'

wo sher sher to hai ruh-e-shaeri to nahin

harīfoñ kī taraf-dārī se apnā-pan kā dam TuuTā

baḌhī kuchh aur jab duurī to qurbat kā bharam TuuTā

harifon ki taraf-dari se apna-pan ka dam TuTa

baDhi kuchh aur jab duri to qurbat ka bharam TuTa

kyā dil kī pyaas thī ki bujhā.ī na jā sakī

bādal nichoḌ ke na samundar tarāsh ke

kya dil ki pyas thi ki bujhai na ja saki

baadal nichoD ke na samundar tarash ke

maiñ to qābil na thā un ke dīdār ke

un kī chaukhaT pe merī ḳhatā le ga.ī

main to qabil na tha un ke didar ke

un ki chaukhaT pe meri KHata le gai

tanūr-e-vaqt kī hiddat se Dar ga.e ham bhī

magar tapish meñ tape to nikhar ga.e ham bhī

tanur-e-waqt ki hiddat se Dar gae hum bhi

magar tapish mein tape to nikhar gae hum bhi