یہ خد و خال یہ گیسو یہ صورت زیبا

سبھی کا حسن ہے اپنی جگہ مگر آنکھیں

کون گزرا ہے یہ آندھیوں کی طرح

شمع راہ وفا کو بجھاتے ہوئے

کی ہے سرگوشی سر شام مرے دل نے پھر

اس لیے ہم نے لپیٹا نہیں بستر اپنا

ترک تعلقات میں مہجور تو ہوئے

لیکن خیال و خواب میں وہ روبرو رہے

ہم تو اپنے قد کے برابر بھی نہ ہوئے

لوگ نہ جانے کیسے خدا ہو جاتے ہیں

عمر رفتہ جا کسی دیوار کے سائے میں بیٹھ

بے سبب کی خواہشیں ہیں اور گھر کی جستجو

وہ چاہتا ہے کہ ہم اس کی دسترس میں رہیں

کسی کا ہو کے رہیں یہ اسے گوارا نہیں

اے خدا کر دے شب کو اور سیاہ

ہے غریبوں کا یہ لباس ابھی