ye rañg rañg parinde hī ham se achchhe haiñ

jo ik daraḳht pe rahte haiñ beliyoñ kī tarah

ye rang rang parinde hi hum se achchhe hain

jo ek daraKHt pe rahte hain beliyon ki tarah

vo sañvar saktā hai ma.aqūl bhī ho saktā hai

merā andāza mirī bhuul bhī ho saktā hai

wo sanwar sakta hai maqul bhi ho sakta hai

mera andaza meri bhul bhi ho sakta hai

tire sitam kī zamāna duhā.ī detā hai

kabhī ye shor tujhe bhī sunā.ī detā hai

tere sitam ki zamana duhai deta hai

kabhi ye shor tujhe bhi sunai deta hai

yuuñ hirāsāñ haiñ musāfir bastiyoñ ke darmiyāñ

ho ga.ī ho shaam jaise jañgaloñ ke darmiyāñ

yun hirasan hain musafir bastiyon ke darmiyan

ho gai ho sham jaise jangalon ke darmiyan

maiñ sunātā rahā dukhḌe 'ḳhāvar'

aur rotī rahī shab bhar dīvār

main sunata raha dukhDe 'KHawar'

aur roti rahi shab bhar diwar