aaj dariyā meñ ajab shor ajab halchal hai

kis kī kashtī ne qadam āb-e-ravāñ par rakkhā

aaj dariya mein ajab shor ajab halchal hai

kis ki kashti ne qadam aab-e-rawan par rakkha

azīzo aao ab ik al-vidā.ī jashn kar leñ

ki is ke ba.ad ik lambā safar afsos kā hai

azizo aao ab ek al-widai jashn kar len

ki is ke baad ek lamba safar afsos ka hai

hameñ har vaqt ye ehsās dāman-gīr rahtā hai

paḌe haiñ Dher saare kaam aur mohlat zarā sī hai

hamein har waqt ye ehsas daman-gir rahta hai

paDe hain Dher sare kaam aur mohlat zara si hai

mirī mushkil mirī mushkil nahīñ hai

vasīla terī āsānī kā maiñ huuñ

meri mushkil meri mushkil nahin hai

wasila teri aasani ka main hun

roz dīvār meñ chun detā huuñ maiñ apnī anā

roz vo toḌ ke dīvār nikal aatī hai

roz diwar mein chun deta hun main apni ana

roz wo toD ke diwar nikal aati hai