ab kisī aur taraf baat ghumāne vaale

maiñ samajhtī huuñ tirī baat kā matlab samjhe

ab kisi aur taraf baat ghumane wale

main samajhti hun teri baat ka matlab samjhe

añdhere kamre meñ raqs kartī rahegī vahshat

aur ek kone meñ pārsā.ī paḌī rahegī

andhere kamre mein raqs karti rahegi wahshat

aur ek kone mein parsai paDi rahegi

ek din tujh ko āchānak ye ḳhabar aa.egī

tere bīmār shifā-yāb nahīñ ho paa.e

ek din tujh ko aachanak ye KHabar aaegi

tere bimar shifa-yab nahin ho pae

mansūb charāġhoñ se taraf-dār havā ke

tum log munāfiq ho munāfiq bhī balā ke

mansub charaghon se taraf-dar hawa ke

tum log munafiq ho munafiq bhi bala ke

savāl kaun uThā.egā munsifoñ pe huzūr

barī hue sabhī mujrim gavāh qaid meñ hai

sawal kaun uThaega munsifon pe huzur

bari hue sabhi mujrim gawah qaid mein hai