dushmanoñ ko dost bhaa.ī ko sitamgar kah diyā

log kyuuñ barham haiñ kyā shīshe ko patthar kah diyā

dushmanon ko dost bhai ko sitamgar kah diya

log kyun barham hain kya shishe ko patthar kah diya

khetiyāñ chhāloñ kī hotī thiiñ lahū ugte the

kitnā zarḳhez thā vo dar-badarī kā mausam

khetiyan chhaalon ki hoti thin lahu ugte the

kitna zarKHez tha wo dar-badari ka mausam

merī tārīk shaboñ meñ hai ujālā in se

chāñd se zaḳhmoñ pe marham ye lagāte kyuuñ ho

meri tarik shabon mein hai ujala in se

chand se zaKHmon pe marham ye lagate kyun ho

qalam uThā.ūñ ki bachchoñ kī zindagī dekhūñ

paḌā huā hai dorāhe pe ab hunar merā

qalam uThaun ki bachchon ki zindagi dekhun

paDa hua hai dorahe pe ab hunar mera

shaam hote hī bujh gayā 'ājiz'

ek muflis kā ḳhvāb thā na rahā

sham hote hi bujh gaya 'ajiz'

ek muflis ka KHwab tha na raha