tumhāre saath hone se mujhe taskīn miltī hai

mire hamdam mire dilbar hamāre saath rahnā tum

tumhaare sath hone se mujhe taskin milti hai

mere hamdam mere dilbar hamare sath rahna tum

apnī ammī ko mohabbat se jo dekhā maiñ ne

puurī jannat mirī āñkhoñ meñ simaT aa.ī hai

apni ammi ko mohabbat se jo dekha main ne

puri jannat meri aankhon mein simaT aai hai

fazāoñ meñ mohabbat gholtā huuñ

maiñ hindī huuñ maiñ urdu boltā huuñ

fazaon mein mohabbat gholta hun

main hindi hun main urdu bolta hun

kyā kahā ḳhushbueñ luTātā huuñ

maiñ tirī haañ meñ haañ milātā huuñ

kya kaha KHushbuen luTata hun

main teri han mein han milata hun

qayādat phir se paane ko hai ye allāma kā nusḳha

sabaq paḌh le adālat ke sadāqat ke shujā.at ke

qayaadat phir se pane ko hai ye allama ka nusKHa

sabaq paDh le adalat ke sadaqat ke shujaat ke

ham tumhāre to har tarah se haiñ

aur kisī ke kisī tarah bhī nahīñ

hum tumhaare to har tarah se hain

aur kisi ke kisi tarah bhi nahin

mujhe tum se ulajhnā hai kisī din

bahut se mas.ale suljhā sakūñgā

mujhe tum se ulajhna hai kisi din

bahut se masale suljha sakunga

dariyā ne shart bāñdhī thī qīmat pe pyaas kī

ham ne bhī jaan de dī magar tishnagī na dī

dariya ne shart bandhi thi qimat pe pyas ki

hum ne bhi jaan de di magar tishnagi na di

kidhar nishāna lagā rahe ho kahāñ nigāheñ Tikī huī haiñ

ye kaise pakḌī huī hai tum ne kamāñ tumhārī muḌī huī hai

kidhar nishana laga rahe ho kahan nigahen Tiki hui hain

ye kaise pakDi hui hai tum ne kaman tumhaari muDi hui hai