maiñ ḳhud meñ gūñjtā huuñ ban ke terā sannāTā

mujhe na dekh mirī tarah be-zabāñ ban kar

main KHud mein gunjta hun ban ke tera sannaTa

mujhe na dekh meri tarah be-zaban ban kar

kisī ke saath na hone ke dukh bhī jhele haiñ

kisī ke saath magar aur bhī akele haiñ

kisi ke sath na hone ke dukh bhi jhele hain

kisi ke sath magar aur bhi akele hain

ham ka.ī roz se be-vaj.h bahut ḳhush haiñ chalo

zindagī kī ye adā.eñ bhī to dekhī jaa.eñ

hum kai roz se be-wajh bahut KHush hain chalo

zindagi ki ye adaen bhi to dekhi jaen

shikāyat aur to kuchh bhī nahīñ in āñkhoñ se

zarā sī baat pe paanī bahut barastā hai

shikayat aur to kuchh bhi nahin in aankhon se

zara si baat pe pani bahut barasta hai

bār-hā ḳhud pe maiñ hairān bahut hotā huuñ

koī hai mujh meñ jo bilkul hī judā hai mujh se

bar-ha KHud pe main hairan bahut hota hun

koi hai mujh mein jo bilkul hi juda hai mujh se