ناز و انداز کی قیمت ہے ترے میرے سبب

کس کی محفل میں بھلا اور غضب ڈھاؤ گے

توجہ آپ فرمائیں اگر تو

کچھ ہم بھی عرض کرنا چاہتے ہیں

یقیں کر کہ میں تجھ سے بھی زیادہ چاہتا اس کو

جو میرے جیسا تیرا اور کوئی قدرداں ہوتا

تھا جو اک کافر مسلماں ہو گیا

پل میں ویرانہ گلستاں ہو گیا

ترے جور و جفا کا ہم کبھی شکوہ نہیں کرتے

محبت جس سے کرتے ہیں اسے رسوا نہیں کرتے

جو کبھی دیوار پہ لٹکائی تھی

اب ترے کمرے کی زینت بھی نہیں

کسی سے سرگزشت غم بیاں کرتا ہوں جب اپنی

کہانی وہ سراسر آپ کی معلوم ہوتی ہے