ham vahshiyoñ kā maskan kyā pūchhtā hai zālim

sahrā hai to sahrā hai zindāñ hai to zindāñ hai

hum wahshiyon ka maskan kya puchhta hai zalim

sahra hai to sahra hai zindan hai to zindan hai

jamā ham karte ga.e chun chun ke tinke baaġh meñ

aur na jaane kis kā kis kā āshiyāñ bantā gayā

jama hum karte gae chun chun ke tinke bagh mein

aur na jaane kis ka kis ka aashiyan banta gaya

mirī raat kyuuñ kar kaTegī ilāhī

mujhe din ko taare nazar aa rahe haiñ

meri raat kyun kar kaTegi ilahi

mujhe din ko tare nazar aa rahe hain

mujhe miTā ke vo yuuñ baiThe muskurāte haiñ

kisī se jaise koī nek kaam ho jaa.e

mujhe miTa ke wo yun baiThe muskuraate hain

kisi se jaise koi nek kaam ho jae

ye insān nādīda ulfat kā maarā

ḳhudā jaane kis kis ko sajda karegā

ye insan nadida ulfat ka mara

KHuda jaane kis kis ko sajda karega