dard-e-sar meñ hai kise sandal lagāne kā dimāġh

us kā ghisnā aur lagānā dard-e-sar ye bhī to hai

dard-e-sar mein hai kise sandal lagane ka dimagh

us ka ghisna aur lagana dard-e-sar ye bhi to hai

ka.aba-o-dair ko apnā to yahīñ se hai salām

dar-ba-dar kaun phire yaar ke dar ke hote

kaba-o-dair ko apna to yahin se hai salam

dar-ba-dar kaun phire yar ke dar ke hote

terī āñkhoñ ke tasavvur meñ hai sair-e-kaunain

varna ham log idhar ke idhar ho ke rahte

teri aankhon ke tasawwur mein hai sair-e-kaunain

warna hum log idhar ke idhar ho ke rahte

hai dil meñ zulf-e-yār ke aalam ko dekhiye

phañste haiñ aap daam meñ ham ham ko dekhiye

hai dil mein zulf-e-yar ke aalam ko dekhiye

phanste hain aap dam mein hum hum ko dekhiye

kyuuñ na miTTī ḳharāb ho apnī

is ḳharābāt kī binā haiñ ham

kyun na miTTi KHarab ho apni

is KHarabaat ki bina hain hum