yaqīn mānav ki urdu jo bol saktā hai

vo pattharoñ kā jigar bhī TaTol saktā hai

yaqin manaw ki urdu jo bol sakta hai

wo pattharon ka jigar bhi TaTol sakta hai

aap aur kuchh ġhalat kahīñ tauba

jo ye kah de gunāhgār hai vo

aap aur kuchh ghalat kahin tauba

jo ye kah de gunahgar hai wo

hamāre muñh pe uḌātā huā vo dhuul gayā

hamīñ ne chalnā sikhāyā hamīñ ko bhuul gayā

hamare munh pe uData hua wo dhul gaya

hamin ne chalna sikhaya hamin ko bhul gaya

haqīqat se haiñ kosoñ duur afsānoñ ko kyā dekheñ

hoñ jin ke haath naqlī un ke dastānoñ ko kyā dekheñ

haqiqat se hain koson dur afsanon ko kya dekhen

hon jin ke hath naqli un ke dastanon ko kya dekhen

maiñ pur-umīd rahā ma.arka koī bhī rahā

magar ye raat ki jis kī koī sahar hī nahīñ

main pur-umid raha marka koi bhi raha

magar ye raat ki jis ki koi sahar hi nahin