ruuh kī gahrā.iyoñ meñ Duub kar dekhā karo

ek dhokā hai nazar kā ye sarāsar sāmne

ruh ki gahraiyon mein Dub kar dekha karo

ek dhoka hai nazar ka ye sarasar samne

film kī gardish se tasvīreñ badaltī hī rahīñ

umr-e-rafta kā na aayā phir vo manzar sāmne

film ki gardish se taswiren badalti hi rahin

umr-e-rafta ka na aaya phir wo manzar samne

ruuh hai mahv-e-tamannā husn hai mast-e-tarab

ik niyāz-o-nāz kā barpā hai mahshar sāmne

ruh hai mahw-e-tamanna husn hai mast-e-tarab

ek niyaz-o-naz ka barpa hai mahshar samne

adā-e-husn ne baḳhshī hai tāqat-e-parvāz

havā-e-shauq meñ uḌtā huuñ bāl-o-par na sahī

ada-e-husn ne baKHshi hai taqat-e-parwaz

hawa-e-shauq mein uDta hun baal-o-par na sahi

dil ki hai sarmāya-dār-e-izzat o nāmūs-e-husn

hai yahī markaz yahī hai dā.era mere liye

dil ki hai sarmaya-dar-e-izzat o namus-e-husn

hai yahi markaz yahi hai daera mere liye

ishq ne paidā kiyā hai ek dil

husn vaalo ek jalvā chāhiye

ishq ne paida kiya hai ek dil

husn walo ek jalwa chahiye

DhūñDne vaalo zarā zauq-e-nazar bhī chāhiye

varna lākhoñ hī zamīn-o-āsmāñ dekhā kiye

DhunDne walo zara zauq-e-nazar bhi chahiye

warna lakhon hi zamin-o-asman dekha kiye

tishnigān-e-zauq is sahrā-e-hastī se alag

paañv maaro to ubaltā hai samundar sāmne

tishnigan-e-zauq is sahra-e-hasti se alag

panw maro to ubalta hai samundar samne

hastī kā zarra zarra tārāj kar diyā hai

us bevafā kī ḳhātir us bevafā ke ġham meñ

hasti ka zarra zarra taraj kar diya hai

us bewafa ki KHatir us bewafa ke gham mein