hasrat-e-dīd meñ āḳhir ko dam apnā ulTā

parda-e-chashm na us shoḳh ne apnā ulTā

hasrat-e-did mein aaKHir ko dam apna ulTa

parda-e-chashm na us shoKH ne apna ulTa

ka.aba kā aur ḳhāna-e-dil kā ye haal hai

jaise koī makāñ ho makāñ ke javāb meñ

kaba ka aur KHana-e-dil ka ye haal hai

jaise koi makan ho makan ke jawab mein

kyā diyā bosa lab-e-shīrīñ kā ho kar tursh-rū

muñh huā mīThā to kyā dil apnā khaTTā ho gayā

kya diya bosa lab-e-shirin ka ho kar tursh-ru

munh hua miTha to kya dil apna khaTTa ho gaya

nazar kisī ko vo mū-e-kamar nahīñ aatā

ba-rañg-e-tār-e-nazar hai nazar nahīñ aatā

nazar kisi ko wo mu-e-kamar nahin aata

ba-rang-e-tar-e-nazar hai nazar nahin aata

sehhat hai maraz qazā shifā hai

allāh hakīm hai hamārā

sehhat hai maraz qaza shifa hai

allah hakim hai hamara