gāliyāñ diiñ us ne be-gintī hameñ

ham ne bose bhī to gin gin ke liye

galiyan din us ne be-ginti hamein

hum ne bose bhi to gin gin ke liye

ilāhī tū bhī pyārā but bhī pyārā phir sunūñ kis kī

idhar kuchh shaiḳh kahtā hai aur us jānib barahman bhī

ilahi tu bhi pyara but bhi pyara phir sunun kis ki

idhar kuchh shaiKH kahta hai aur us jaanib barahman bhi

shab-e-visāl meñ he he vo un kā sharmā kar

dabī zabān se kahnā ki aarzū kyā hai

shab-e-visal mein he he wo un ka sharma kar

dabi zaban se kahna ki aarzu kya hai

asal meñ jalva ye kis kā hai tū hī kah vaa.iz

terā rab aur sahī merā sanam aur sahī

asal mein jalwa ye kis ka hai tu hi kah waiz

tera rab aur sahi mera sanam aur sahi

phīkī hai terī nasīhat saath mere ġhul machā

shor se nāseh namak aa jā.egā taqrīr meñ

phiki hai teri nasihat sath mere ghul macha

shor se naseh namak aa jaega taqrir mein