āñkheñ haiñ magar ḳhvāb se mahrūm haiñ 'mid.hat'

tasvīr kā rishta nahīñ rañgoñ se zarā bhī

aankhen hain magar KHwab se mahrum hain 'midhat'

taswir ka rishta nahin rangon se zara bhi

ham ko usī dayār kī miTTī huī aziiz

naqshe meñ jis kā nām-pata ab nahīñ rahā

hum ko usi dayar ki miTTi hui aziz

naqshe mein jis ka nam-pata ab nahin raha

jaane vaale mujhe kuchh apnī nishānī de jā

ruuh pyāsī na rahe aañkh meñ paanī de jā

jaane wale mujhe kuchh apni nishani de ja

ruh pyasi na rahe aankh mein pani de ja

laa.ī hai kahāñ mujh ko tabī.at kī do-rañgī

duniyā kā talabgār bhī duniyā se ḳhafā bhī

lai hai kahan mujh ko tabiat ki do-rangi

duniya ka talabgar bhi duniya se KHafa bhi

tū samajhtā hai mujhe harf-e-mukarrar lekin

maiñ sahīfa huuñ tire dil pe utarne vaalā

tu samajhta hai mujhe harf-e-mukarrar lekin

main sahifa hun tere dil pe utarne wala