gulshan-e-dahr se ḳhushbū kī tarah guzrā maiñ

sab ko mahkāyā magar apnī numā.ish nahīñ kī

gulshan-e-dahr se KHushbu ki tarah guzra main

sab ko mahkaya magar apni numaish nahin ki

yahī hai vaqt ki jī bhar ke dekh luuñ us ko

vo sāmne hai magar dekhtā nahīñ hai mujhe

yahi hai waqt ki ji bhar ke dekh lun us ko

wo samne hai magar dekhta nahin hai mujhe

dīdār kā visāl meñ aayā na koī lutf

us ruḳh pe be-ruḳhī ke the parde paḌe hue

didar ka visal mein aaya na koi lutf

us ruKH pe be-ruKHi ke the parde paDe hue

darmiyāñ garche hijābāt nahīñ duurī ke

ab jo haa.il hai vo parda hai shanāsā.ī kā

darmiyan garche hijabaat nahin duri ke

ab jo hail hai wo parda hai shanasai ka

bajā ki raunaq-e-mahfil abhī uruuj pe hai

maiñ kyā karūñ mirī ḳhalvat bulā rahī hai mujhe

baja ki raunaq-e-mahfil abhi uruj pe hai

main kya karun meri KHalwat bula rahi hai mujhe

ġhaur se dekh gulshan-e-duniyā

har taraf ḳhvāhishoñ kā daldal hai

ghaur se dekh gulshan-e-duniya

har taraf KHwahishon ka daldal hai