yahī to kufr hai yārān-e-be-ḳhudī ke huzūr

jo kufr-o-dīñ kā mire yaar imtiyāz rahā

yahi to kufr hai yaran-e-be-KHudi ke huzur

jo kufr-o-din ka mere yar imtiyaz raha

baiTh kar masjid meñ rindoñ se na itnā bigaḌiye

shaiḳh-jī aate ho maiḳhāne ke bhī akasr taraf

baiTh kar masjid mein rindon se na itna bigaDiye

shaiKH-ji aate ho maiKHane ke bhi akasr taraf

pākī-e-dāmān-e-gul kī khā na ai bulbul qasam

raat bhar sarshār-e-kaifiyyat maiñ shabnam se rahā

paki-e-daman-e-gul ki kha na ai bulbul qasam

raat bhar sarshaar-e-kaifiyyat main shabnam se raha

kyā sabab batlā.eñ hañste hañste bāham ruk ga.e

ḳhud-baḳhud kuchh vo khīñche īdhar udhar ham ruk ga.e

kya sabab batlaen hanste hanste baham ruk gae

KHud-baKHud kuchh wo khinche idhar udhar hum ruk gae

der tak zabt-e-suḳhan kal us meñ aur ham meñ rahā

bol uThe ghabrā ke jab āḳhir ke ta.iiñ dam ruk ga.e

der tak zabt-e-suKHan kal us mein aur hum mein raha

bol uThe ghabra ke jab aaKHir ke tain dam ruk gae