harīm-e-dil meñ Thahar yā sarā-e-jān meñ ruk

ye sab makān haiñ tere kisī makān meñ ruk

harim-e-dil mein Thahar ya sara-e-jaan mein ruk

ye sab makan hain tere kisi makan mein ruk

kyā patā jaane kahāñ aag lagī

har taraf sirf dhuāñ hai mujh meñ

kya pata jaane kahan aag lagi

har taraf sirf dhuan hai mujh mein

maiñ adhūrā sā huuñ us ke andar

aur vo shaḳhs mukammal mujh meñ

main adhura sa hun us ke andar

aur wo shaKHs mukammal mujh mein

terī dahlīz pe iqrār kī ummīd liye

phir khaḌe haiñ tire inkār ke maare hue log

teri dahliz pe iqrar ki ummid liye

phir khaDe hain tere inkar ke mare hue log

tū ne ai vaqt palaT kar bhī kabhī dekhā hai

kaise haiñ sab tirī raftār ke maare hue log

tu ne ai waqt palaT kar bhi kabhi dekha hai

kaise hain sab teri raftar ke mare hue log