رقم کرنے کوں وصف زلف دل دار

مجھے ہر وقت مشق لام ہے بس

یک قدم راہ دوست ہے داؤدؔ

لیکن افسوس پائے بخت ہے لنگ

سن نصیحت مری اے زاہد خشک

اشک کے آب بن وضو مت کر

سر کاٹ کیوں جلاتے ہیں روشن دلاں کے تئیں

آہن دلی پہ خلق کی خنداں ہوں مثل شمع

پیو بنا دل مرا اداسی ہے

گاہ جوگی ہے گاہ سنیاسی ہے

ہر کتاب صحبت رنگیں کے معنی دیکھ کر

فرد تنہائی کے مضموں کوں کیا ہوں انتخاب

صاف دل ہو گر ہے تجھ کوں خواہش ترک ہوا

آب آئینہ اوپر آتا نہیں ہرگز حباب

ولیؔ ثانی نہیں داؤد لیکن

غزل کہتا ہے ہر اک با تلازم

دیکھنا ہے پیا کی زلف دراز

یا الٰہی مجھے دے عمر دراز

تجھ ہجر کی اگن کوں بوجھانے اے سنگ دل

کوئی آب زن رفیق بجز چشم تر نہیں

شیشۂ آبرو سنبھال اے دل

دور الٹا چلا ہے دنیا کا

دیا اس خوش نین نے رات کوں مجھ کوں سراغ اپنا

کیا میں روغن بادام سوں روشن چراغ اپنا