shīsha-e-ābrū sambhāl ai dil

daur ulTā chalā hai duniyā kā

shisha-e-abru sambhaal ai dil

daur ulTa chala hai duniya ka

dekhnā hai piyā kī zulf-e-darāz

yā ilāhī mujhe de umr-e-darāz

dekhna hai piya ki zulf-e-daraaz

ya ilahi mujhe de umr-e-daraaz

'valī' saanī nahīñ dā.ūd lekin

ġhazal kahtā hai har ik bā-talāzum

'wali' sani nahin daud lekin

ghazal kahta hai har ek ba-talazum

sun nasīhat mirī ai zāhid-e-ḳhushk

ashk ke aab bin vuzū mat kar

sun nasihat meri ai zahid-e-KHushk

ashk ke aab bin wuzu mat kar

piv binā dil mirā udāsī hai

gaah jogī hai gaah sanyāsī hai

piw bina dil mera udasi hai

gah jogi hai gah sanyasi hai

har kitāb-e-sohbat-e-rañgīñ ke ma.anī dekh kar

fard-e-tanhā.ī ke mazmūñ kuuñ kiyā huuñ intiḳhāb

har kitab-e-sohbat-e-rangin ke mani dekh kar

fard-e-tanhai ke mazmun kun kiya hun intiKHab

yak qadam rāh-e-dost hai 'dā.ūd'

lekin afsos pā-e-baḳht hai lañg

yak qadam rah-e-dost hai 'daud'

lekin afsos pa-e-baKHt hai lang

tujh hijr kī agan kuuñ būjhāne ai sañg dil

koī āb-zan-rafīq ba-juz chashm-e-tar nahīñ

tujh hijr ki agan kun bujhane ai sang dil

koi aab-zan-rafiq ba-juz chashm-e-tar nahin

diyā us ḳhush-nayan ne raat kuuñ mujh kuuñ surāġh apnā

kiyā maiñ roġhan-e-bādām suuñ raushan charāġh apnā

diya us KHush-nayan ne raat kun mujh kun suragh apna

kiya main roghan-e-baadam sun raushan charagh apna

saaf dil ho gar hai tujh kuuñ ḳhvāhish-e-tark-e-havā

āb-e-ā.īna upar aatā nahīñ hargiz habāb

saf dil ho gar hai tujh kun KHwahish-e-tark-e-hawa

aab-e-aina upar aata nahin hargiz habab

raqam karne kuuñ vasf-e-zulf-e-dildār

mujhe har vaqt mashq-e-lām hai bas

raqam karne kun wasf-e-zulf-e-dildar

mujhe har waqt mashq-e-lam hai bas

sar kaaT kyuuñ jalāte haiñ raushan dilāñ ke ta.iiñ

āhan-dilī pe ḳhalq kī ḳhandāñ huuñ misl-e-sham.a

sar kaT kyun jalate hain raushan dilan ke tain

aahan-dili pe KHalq ki KHandan hun misl-e-shama