alfāz kī giraft se hai māvarā hanūz

ik baat kah gayā vo magar kitne kaam kī

alfaz ki giraft se hai mawara hanuz

ek baat kah gaya wo magar kitne kaam ki

aur koī duniyā hai terī jis kī khoj karūñ

zehn meñ phir ik samt bikherī rāhguzar Daalī

aur koi duniya hai teri jis ki khoj karun

zehn mein phir ek samt bikheri rahguzar Dali

kaun pūchhe mujh se merī gosha-gīrī kā sabab

kaun samjhe dar kabhī dīvār kar lenā mirā

kaun puchhe mujh se meri gosha-giri ka sabab

kaun samjhe dar kabhi diwar kar lena mera

saare imkānāt meñ raushan sirf yahī do pahlū

ek tirā ā.īna-ḳhāna ik merī hairānī

sare imkanat mein raushan sirf yahi do pahlu

ek tera aaina-KHana ek meri hairani

us kā tarkash ḳhālī hone vaalā hai

mere naam kā tiir hai kitne tīroñ meñ

us ka tarkash KHali hone wala hai

mere nam ka tir hai kitne tiron mein