asīrān-e-qafas par zulm to sayyād karte haiñ

ki un ke par katar lete haiñ tab āzād karte haiñ

asiran-e-qafas par zulm to sayyaad karte hain

ki un ke par katar lete hain tab aazad karte hain

ḳhudā kī shaan ki ham ko uThā ke mahfil se

raqīb baiThe haiñ zaanū tirā dabā.e hue

KHuda ki shan ki hum ko uTha ke mahfil se

raqib baiThe hain zanu tera dabae hue

kūcha-e-yār meñ jaane kī kabhī ḳhū na ga.ī

Thokareñ khā ke bhī sambhle na sambhalne vaale

kucha-e-yar mein jaane ki kabhi KHu na gai

Thokaren kha ke bhi sambhle na sambhalne wale

umañgoñ par hai ab un kī javānī

ḳhush aa.e kyuuñ na itrānā kisī kā

umangon par hai ab un ki jawani

KHush aae kyun na itrana kisi ka

koī us but sā zamāne meñ nahīñ

yuuñ to dekhe haiñ trahdār bahut

koi us but sa zamane mein nahin

yun to dekhe hain trahdar bahut

sharar-e-nāla-e-bulbul se lagī un meñ aag

jo shajar baaġh meñ the phūlne phalne vaale

sharar-e-nala-e-bulbul se lagi un mein aag

jo shajar bagh mein the phulne phalne wale

hai ye tākīd ki ham ko na satā.e koī

kaise phir un ko kaleje se lagā.e koī

hai ye takid ki hum ko na satae koi

kaise phir un ko kaleje se lagae koi

phaḌak phaḌak ke qafas meñ ye kahtī thī bulbul

ki zarra zarra hai gulshan kā āshnā merā

phaDak phaDak ke qafas mein ye kahti thi bulbul

ki zarra zarra hai gulshan ka aashna mera