وہی ہے اختلاف باہمی کی انجمن اب تو

فقط شادی کے دن اس نے ملائی ہاں میں ہاں میری

دور جمہوری میں بنگلہ دیش جانا تھا تجھے

اکثریت چھوڑ کر ظالم ادھر پیدا ہوا

اس دفعہ بچہ سمجھ کر چھوڑے دیتا ہوں تجھے

مار ڈالوں گا اگر بار دگر پیدا ہوا

جان عزرائیل اب نخروں کا تیرے غم کروں

یا میں تجھ پر سورۂ یٰسین پڑھ کر دم کروں

ہائے قسمت جنوری مانگی تو جولائی ملی

حال کا طالب ہوا ماضی تمنائی ملی

سبب اس کا جو پوچھا ڈاکٹر صاحب نے فرمایا

بہت آگے گئے باقی جو ہیں تیار بیٹھے ہیں

لڑی اس ٹھاٹ سے منکوحۂ کافر بیاں میری

فرشتے لکھتے لکھتے چھوڑ بھاگے داستاں میری

سحر سے شام تک چلتی رہی ہے چائے پر چائے

نہ یہ بیکار بیٹھے ہیں نہ وہ بیکار بیٹھے ہیں