anā-parast huuñ mil jā.ūñ ḳhaak meñ lekin

ḳharīd saktā nahīñ koī maal zar se mujhe

ana-parast hun mil jaun KHak mein lekin

KHarid sakta nahin koi mal zar se mujhe

ham musāfir haiñ kahāñ ghar kī taraf dekhte haiñ

har ghaḌī miil ke patthar kī taraf dekhte haiñ

hum musafir hain kahan ghar ki taraf dekhte hain

har ghaDi mil ke patthar ki taraf dekhte hain

gar kuchh nahīñ hai yaar tire paas ġham to hai

tū ḳhush-nasīb hai ki tirī aañkh nam to hai

gar kuchh nahin hai yar tere pas gham to hai

tu KHush-nasib hai ki teri aankh nam to hai

aaj dekhā unheñ jab zamāne ke baad

aañkh nam ho ga.ī muskurāne ke baad

aaj dekha unhen jab zamane ke baad

aankh nam ho gai muskurane ke baad

raho ghar meñ ziyāda to safar āvāz detā hai

safar meñ jab nikal jaao to ghar āvāz detā hai

raho ghar mein ziyaada to safar aawaz deta hai

safar mein jab nikal jao to ghar aawaz deta hai