pīchhe muḌ muḌ kar na dekho ai 'munavār' baḌh chalo

shahr meñ ahbāb to kam haiñ sage bhaa.ī bahut

pichhe muD muD kar na dekho ai 'munawar' baDh chalo

shahr mein ahbab to kam hain sage bhai bahut

ilaaj kī nahīñ hājat dil-o-jigar ke liye

bas ik nazar tirī kaafī hai umr-bhar ke liye

ilaj ki nahin hajat dil-o-jigar ke liye

bas ek nazar teri kafi hai umr-bhar ke liye

jo dil ko de ga.ī ik dard umr-bhar ke liye

taḌap rahā huuñ abhī tak maiñ us nazar ke liye

jo dil ko de gai ek dard umr-bhar ke liye

taDap raha hun abhi tak main us nazar ke liye

ab kunj-e-lahad meñ huuñ mayassar nahīñ aañsū

aayā hai shab-e-hijr kā ronā mire aage

ab kunj-e-lahad mein hun mayassar nahin aansu

aaya hai shab-e-hijr ka rona mere aage

nazar aatī haiñ sū-e-asmāñ kabhī bijliyāñ kabhī āñdhiyāñ

kahīñ jal na jaa.e ye āshiyāñ kahīñ uḌ na jaa.eñ ye chaar par

nazar aati hain su-e-asman kabhi bijliyan kabhi aandhiyan

kahin jal na jae ye aashiyan kahin uD na jaen ye chaar par