hazāroñ baar sīñchā hai ise ḳhūn-e-rag-e-jāñ se

ta.ajjub hai mire gulshan kī vīrānī nahīñ jaatī

hazaron bar sincha hai ise KHun-e-rag-e-jaan se

tajjub hai mere gulshan ki virani nahin jati

ham talḳhī-e-hayāt ko āsāñ na kar sake

sahrā-e-zindagī ko gulistāñ na kar sake

hum talKHi-e-hayat ko aasan na kar sake

sahra-e-zindagi ko gulistan na kar sake

maiñ jab bhūke parinde dekhtā huuñ apne āñgan meñ

mujhe apne vatan ke nange bachche yaad aate haiñ

main jab bhuke parinde dekhta hun apne aangan mein

mujhe apne watan ke nange bachche yaad aate hain

musalmāñ thā magar terī adā-e-fitna-parvar ne

dikhā kar kākul-e-pechāñ mujhe kāfir banā Daalā

musalman tha magar teri ada-e-fitna-parwar ne

dikha kar kakul-e-pechan mujhe kafir bana Dala