ḳhulūs ho to kahīñ bandagī kī qaid nahīñ

sanam-kade meñ tavāf-e-haram bhī mumkin hai

KHulus ho to kahin bandagi ki qaid nahin

sanam-kade mein tawaf-e-haram bhi mumkin hai

koī bhī shakl mukammal kitāb ban na sakī

har ek chehra yahāñ iqtibās jaisā hai

koi bhi shakl mukammal kitab ban na saki

har ek chehra yahan iqtibas jaisa hai

mahfil meñ un kī khul gayā dil kā muāmla

palkoñ pe ashk rah ga.e piine ke ba.ad bhī

mahfil mein un ki khul gaya dil ka muamla

palkon pe ashk rah gae pine ke baad bhi

jhukī jhukī jo hai kaḌvī-kasīlī niim kī shāḳh

usī pe shahd kā chhatta dikhā.ī detā hai

jhuki jhuki jo hai kaDwi-kasili nim ki shaKH

usi pe shahd ka chhatta dikhai deta hai

kal raat mire dil ne phir chupke se pūchhā hai

'muztar' tirī aahoñ meñ aa.egā asar kab tak

kal raat mere dil ne phir chupke se puchha hai

'muztar' teri aahon mein aaega asar kab tak