husain rif.ateñ taqsīm kartā hai ab bhī

yazīd aaj bhī rusvā.iyāñ sameTtā hai

husain rifaten taqsim karta hai ab bhi

yazid aaj bhi ruswaiyan sameTta hai

pā-ba-jaulāñ to har ik shaḳhs yahāñ hai 'amabar'

tirī zanjīr hī kyuuñ shor bapā kartī hai

pa-ba-jaulan to har ek shaKHs yahan hai 'amabar'

teri zanjir hi kyun shor bapa karti hai

zinda rahte haiñ kyā ye kaafī nahīñ

koī lāzim hai ki phir ḳhush bhī hoñ

zinda rahte hain kya ye kafi nahin

koi lazim hai ki phir KHush bhi hon

bas chand ham-ḳhayāl haiñ 'ambar' mujhe aziiz

behis jamm-e-ġhafīr nahīñ chāhiye mujhe

bas chand ham-KHayal hain 'ambar' mujhe aziz

behis jamm-e-ghafir nahin chahiye mujhe

'ambar' us ke biite kal kā qissa huuñ maiñ

phir kaahe kā shauq ki us ko yaad bhī huuñ maiñ

'ambar' us ke bite kal ka qissa hun main

phir kahe ka shauq ki us ko yaad bhi hun main