baat ye hai ki baat koī nahīñ

maiñ akelā huuñ saath koī nahīñ

baat ye hai ki baat koi nahin

main akela hun sath koi nahin

is ko maiñ inqalāb kahtā huuñ

ye jo inkār kī fazā se uThā

is ko main inqalab kahta hun

ye jo inkar ki faza se uTha

pas-e-parda bahut be-pardagī hai

bahut bezār hai kirdār apnā

pas-e-parda bahut be-pardagi hai

bahut bezar hai kirdar apna

ye tamāshā-e-ilm-o-hunar dosto

kuchh nahīñ hai faqat kāġhzī vahm hai

ye tamasha-e-ilm-o-hunar dosto

kuchh nahin hai faqat kaghzi wahm hai

apnī be-e'tidāliyoñ ke sabab

maiñ agar baḌh gayā huā kam bhī

apni be-e'tidaliyon ke sabab

main agar baDh gaya hua kam bhi