میں وہ محروم عنایت ہوں کہ جس نے تجھ سے

ملنا چاہا تو بچھڑنے کی وبا پھوٹ پڑی

جتنی آنکھیں تھیں ساری میری تھیں

جتنے منظر تھے سب تمہارے تھے

مان ٹوٹے تو پھر نہیں جڑتا

بد گمانی کبھی نہ آ کے گئی

یہ جانتا ہے پلٹ کر اسے نہیں آنا

وہ اپنی زیست کی کھنچتی ہوئی کمان میں ہے

میں خود کو سامنے تیرے بٹھا کر

خود اپنے سے گلہ کرتا رہا ہوں

یا حسن ہے ناواقف پندار محبت

یا عشق ہی آسانیٔ اطوار میں گم ہے

ایک منزل ہے مختلف راہیں

رنگ ہیں بے شمار پھولوں کے

عشق وہ چار سو سفر ہے جہاں

کوئی بھی راستہ نہیں رکتا

عشق تو بھی ذرا ٹکا لے کمر

دل بھی اب سو گیا ہے رات گئے