اپنی محفل میں مجھے دیکھ کے کہتا ہے وہ بت

کیوں مرے گھر میں مسلمان چلے آتے ہیں

منہ میری طرف ہے تو نظر غیر کی جانب

کرتے ہیں کدھر بات کدھر دیکھ رہے ہیں

تسلیاں بھی نہیں ان کی چھیڑ سے خالی

رلا کے چھوڑتے ہیں وہ ہنسا ہنسا کے مجھے

تمہاری تیغ سے آنکھیں لگی ہیں مرنے والوں کی

یہ لیلیٰ کب مری جاں پردۂ محمل سے نکلے گی

دل کی شامت آئی جا کر پھنس گیا

یار کے گیسوئے پر خم کیا کریں

چراغ شام غریبی تھا میں زمانے میں

کسی نے آ کے نہ ٹھنڈا کیا جلا کے مجھے

دے دیں ابھی کرے جو کوئی خوبرو پسند

ہم کو نہیں پسند دل آرزو پسند

ہر وقت کی ضد بری ہے دیکھو

کہنا بھی کیا کرو کسی کا

شراب محبت کو اے زاہدو تم

برا گر کہو گے تو اچھا نہ ہوگا

سہنی بھی جفا ان کی کرنی بھی وفا ان سے

ان کی بھی خوشی کرنی دل کا بھی کہا کرنا

دل بھلا عاشقوں کے پاس کہاں

آپ ہی چھین چھان لیتے ہیں

چراغ شام غریبی تھا میں زمانے میں

کسی نے آ کے نہ ٹھنڈا کیا جلا کے مجھے

بوسہ بھی مجھے دینا ہونٹوں میں بھی کچھ کہنا

جینے کی دوا دینا مرنے کی دعا کرنا

میکدے کے قریب ہم واعظ

تیری ضد سے مکان لیتے ہیں

آپ کی محفل عشرت کو نہ چھوڑا خالی

میں اگر آ نہ سکا میری شکایت آئی

یوں داد وہ دیتے ہیں وفا کی

یہ کام نہیں ہے آدمی کا

یہ بت قسمت کے پورے ہٹ کے پورے دھن کے پورے ہیں

کوئی ان میں سے ہو وعدے کا پورا ہو نہیں سکتا

اپنی محفل میں مجھے دیکھ کے کہتا ہے وہ بت

کیوں مرے گھر میں مسلمان چلے آتے ہیں