safar kā ḳhātma hotā nahīñ kahīñ apnā

har ik paḌāv se ik ibtidā nikaltī hai

safar ka KHatma hota nahin kahin apna

har ek paDaw se ek ibtida nikalti hai

jaane kab kaun se lamhe meñ zarūrat paḌ jaa.e

tum hamāre liye pahle se duā kar rakhnā

jaane kab kaun se lamhe mein zarurat paD jae

tum hamare liye pahle se dua kar rakhna

us ke karam kā ek sahārā jo mil gayā

phir umr bhar kisī kī zarūrat nahīñ huī

us ke karam ka ek sahaara jo mil gaya

phir umr bhar kisi ki zarurat nahin hui

vafā kī raah meñ dil kā sipās rakh dūñgā

maiñ har nadī ke kināre pe pyaas rakh dūñgā

wafa ki rah mein dil ka sipas rakh dunga

main har nadi ke kinare pe pyas rakh dunga