دس بچوں کے ابا ہیں مگر ہے یہی خواہش

ہر وقت ہی بیٹھی رہے لیلیٰ مرے آگے

اب بچ کے کہاں جائے ہر اک سمت ہے دیوار

بیوی مرے پیچھے ہے تو بچہ مرے آگے

کسی کو دے کے ''ووٹ'' اپنا نواسنج فغاں کیوں ہو؟

جو سر خالی ہو ''بھیجے'' سے تو پھر منہ میں زبان کیوں ہو؟

ہے بجا کام کی چوری میں تو مشہور ہیں ہم

پیٹ رشوت سے جو بھرتے ہیں تو مجبور ہیں ہم

''قفس میں مجھ سے روداد چمن کہتے نہ ڈر ہمدم''

چلا ہے جس پہ ''بلڈوزر'' وہ میرا ہی مکاں کیوں ہو؟

نظرؔ نے ان کو جب دیکھا تو ڈیڈی ساتھ تھے ان کے

ہمارے درمیاں ہر وقت وہ پیر مغاں کیوں ہو؟